Farmak компанияси нуфузли Davos Communications Awards 2026 мукофотининг Best Employer Branding Campaign номинациясида ғолиб бўлди ҳамда Best Internal Communications Campaign номинациясида кумуш мукофотни қўлга киритди.
Швейцарияда дунёнинг турли мамлакатларидан энг муваффақиятли коммуникация лойиҳалари, жамоалари ва агентликларини тақдирлайдиган нуфузли халқаро мукофот — Davos Communications Awards 2026 тақдирлаш маросими бўлиб ўтди.
Компания лойиҳалари икки тоифада эътироф этилди:
Employer Branding Campaign тоифасида «Келажакка инвестициялар» лойиҳаси учун олтин мукофот;
Best Internal Communications Campaign тоифасида компаниянинг 100 йиллигига бағишланган «Барқарор бирикма» фильми учун кумуш мукофот.
Ғолиб бўлган «Келажакка инвестициялар» лойиҳаси Farmak’нинг Украина меҳнат бозоридаги энг долзарб муаммолардан бири — уруш шароитида малакали кадрлар етишмаслигига берган жавобидир. Фақат тажрибали мутахассислар учун рақобат қилиш ўрнига, компания етакчи украин университетлари билан ҳамкорликда иқтидорларни ривожлантиришга қаратилган узоқ муддатли стратегияни танлади.
2025 йилда компания ташаббусларига 1000 нафардан ортиқ талаба қўшилди. Таълим дастурлари, стажировкалар, стипендиялар ва интенсив ўқув курслари орқали ёшлар амалий тажрибага эга бўлиб, ўз касбий фаолиятидаги илк қадамларини қўймоқдалар. Шу билан бирга, Farmak фармацевтика соҳасининг келажагини шакллантирадиган иқтидорли мутахассисларни ўз жамоасига жалб қилмоқда. Хусусан, ўтган йили компанияга қўшилган янги ходимларнинг 32 фоизини ёш мутахассислар ташкил этди.
Компания кумуш мукофотни Farmak’нинг 100 йиллиги муносабати билан яратилган «Барқарор бирикма» корпоратив фильми учун олди. Фильм Farmak’нинг Киевдаги кичик заводдан дунёнинг 60 та мамлакатига дори воситаларини экспорт қилувчи халқаро фармацевтика брендига айланиш тарихи ҳақида ҳикоя қилади. Уруш ва энергетика соҳасидаги қийинчиликлар шароитида кинопремьера форматида амалга оширилган мазкур лойиҳа 3500 нафар ходимни бирлаштирди, умумий корпоратив ўзига хослик ҳиссини мустаҳкамлади ҳамда ички ва ташқи коммуникациялар учун самарали воситага айланди.
Жорий йилги мукофот совриндорлари қаторида DTEK, Hayat Holding, CentrePort Limited, Yulu Public Relations Inc., PRecious Communications ва бошқа компания ҳамда агентликлар ҳам бор.
Ғолибларнинг тўлиқ рўйхати билан ҳавола орқали танишиш мумкин.
