«TOP-100. Eng yiriklar reytingi» jurnali hamda Delo.ua biznes-portali Ukrainaning 2026-yildagi 100 ta eng yaxshi ish beruvchilar reytingini eʼlon qildi va yetakchi Ukraina kompaniyalarining TOP-50 HRD roʻyxatini aniqladi. Reyting natijalariga koʻra, Farmak HR direktori Viktoriya Kondrashixina mamlakatning eng yaxshi HR yetakchilari qatoriga kirdi, Farmak kompaniyasi esa Ukrainadagi eng yaxshi ish beruvchilar orasida 4-oʻrinni egalladi. Shuningdek, kompaniya «Yoshlarni ish bilan taʼminlash boʻyicha yetakchi» nominatsiyasida maxsus mukofotga sazovor boʻldi.
Taqdirlash marosimi 8-iyul kuni har yilgi HR Wisdom Summit konferensiyasi doirasida boʻlib oʻtdi. Bu yilgi eng yaxshi ish beruvchilar reytingida 200 ga yaqin kompaniya ishtirok etdi, eng yaxshi HR direktor unvoni uchun esa iqtisodiyotning turli sohalaridan 100 dan ortiq mutaxassis kuch sinashdi.
Farmak eʼtirof etilishi — xodimlarga tizimli gʻamxoʻrlik qilish hamda ular kasbiy oʻsishi, oʻz salohiyatini rivojlantirishi va karyera qurishi mumkin boʻlgan muhitni yaratish natijasidir. Kompaniya amaliyot oʻtash va sheriklik dasturlari orqali yosh mutaxassislar bilan ishlashga investitsiya kiritadi, Wellbeing majmuaviy dasturi esa jamoaning jismoniy, psixologik, kasbiy, ijtimoiy va moliyaviy farovonligini qoʻllab-quvvatlaydi.
Viktoriya Kondrashixina rahbarligida Farmak kompaniyasida zamonaviy HR funktsiyasi shakllantirildi, greydlarga asoslangan shaffof mehnatga haq toʻlash tizimi joriy etildi hamda iqtidorlarni rivojlantirishning samarali tizimi yoʻlga qoʻyildi. Bugungi kunda kompaniyadagi boshqaruv vakansiyalarining 70% igacha boʻlgan qismi ichki nomzodlar hisobiga yopilmoqda, xodimlarning oʻrtacha ish staji esa 9 yilni tashkil etmoqda. Hatto keng koʻlamli urush sharoitida ham Farmak xodimlarning yuqori darajadagi jalb qilinganligi va sodiqligini saqlab qolmoqda, bu esa jamoani rivojlantirish boʻyicha uzoq muddatli strategiyaning samaradorligini tasdiqlaydi.
Reyting bir necha bosqichda shakllantirildi. «TOP-100. Eng yiriklar reytingi» jurnali tahririyati iqtisodiyotning asosiy tarmoqlari yetakchilari va mehnat bozorida proaktiv mavqega ega boʻlgan ish beruvchi kompaniyalar uzun roʻyxatini (long-list) shakllantirdi. Delo.ua saytida ochiq onlayn-ovoz berishdan soʻng yakuniy qarorni mustaqil ekspertlar hakamlar hayʼati qabul qildi. Baholash jarayonida korporativ taʼlim, yosh mutaxassislarni rivojlantirish dasturlari, ijtimoiy paket, xodimlarning farovonligi, HR jarayonlarini avtomatlashtirish, innovatsion HR amaliyotlari, mukofotlash va kompensatsiya tizimi, korporativ madaniyat, ichki kommunikatsiyalar, shuningdek, safarbar etilgan xodimlarni qoʻllab-quvvatlash va faxriylarni reintegratsiya qilish dasturlari hisobga olindi.
Ukrainaning eng yaxshi ish beruvchilari roʻyxatiga, shuningdek, Kernel, DTEK, Kyivstar, Naftogaz guruhi, PrivatBank, Metinvest, Ukrainadagi «McDonald’s» va boshqalar kirdi.
