Назоферон (капли)

Препаратнинг савдо номи:

Назоферон®

Таъсир этувчи модда (ХПН):

Альфа-2b интерферони (interferon alfa-2b)

Дори шакли

: назал томчилар 100000 ХБ/мл

Таркиби:

1 мл томчилари қуйидагиларни сақлайди:

фаол модда: одамнинг рекомбинант альфа-2b интерферони 100000 ХБ;

ёрдамчи моддалар: трометамол, трометамол гидрохлориди, гипромеллоза, динатрий эдетати, лизин гидрохлориди, калий хлориди, метилпарагидроксибензоати (Е 218), тозаланган сув.

Таърифи:

тиниқ, рангсиз суюқлик.

Фармакотерапевтик гуруҳи:

Иммуномодуляторлар ва ўсмага қарши препаратлар. Иммуностимуляторлар. Интерферонлар. Альфа-2b интерферони

АТХ коди: L03AB05 

Фармакологик хусусиятлари

Фармакодинамикаси 

НАЗОФЕРОН® – вирусларга қарши, микробларга қарши, яллиғланишга қарши, иммуномодулятор, антипролифератив воситадир. Интерфероннинг биологик таъсири қуйидаги самаралари билан характерланади: вирусларга қарши самараси – вирусларнинг транскрипция ва трансляция жараёнларига ингибиция қилувчи таъсири ҳисобига (аденовируслар, грипп вируслари) уларнинг репликациясини сусайтиради; антипролифератив самараси – ҳужайралар (кўпчилик ДНК- ва РНК- сақловчи вируслар) кўпайишини сусайтиради. Интерферон вируслардаги трансляция жараёнини кучайтирувчи инициация қилувчи омиллардан бирининг фосфорланиши туфайли, ушбу жараёнга тўсқинлик қиладиган специфик фермент – протеинкиназа синтезини инициация қилади; вирусларнинг матрица РНКни шикастлайдиган специфик рибонуклеазани фаоллаштиради. Интерфероннинг самараларига шунингдек: бошқа цитокинлар ишлаб чиқарилишини рағбатлантириш, специфик ферментларни индукция қилиш, ҳужайралар пролиферациясини сусайтириш, иммунитетни модуляция қилиш (нишон ҳужайраларига нисбатан лимфоцитларнинг специфик цитотоксиклигини ва макрофагларнинг фагоцитар фаоллигини кучайтириш) киради. Интерферон иммунитетнинг медиатори ҳисобланади, яққол ифодаланган тўқимавий спецификликка эга, организмни инфекцион касалликларнинг қўзғатувчиларидан ҳимоя қилади.

Фармакокинетикаси 

Ўрганилмаган.

Қўлланилиши 

НАЗОФЕРОН® 1 ойликдан бошлаб болаларда ва катталарда ўткир респиратор вирусли инфекцияларини (ЎРВИ) олдини олиш ва даволашда:

• юқори нафас йўлларининг касалликлари билан узоқ вақт ва тез-тез ҳасталанадиган пациентларда;
• ЎРВИ билан ҳасталанган беморлар билан контактда бўлганда;
• совуққотганда;
• уюшган жамоаларда (болалар ва катталар жамоалари), “хавф” гуруҳига кирувчи контингентлар – тиббий ходимлар, ўқитувчилар, айниқса эпидемия вақтида мавсумий касалликлар билан касалланиш ошганида қўлланади.

Қўллаш усули ва дозалари 

ЎРВИ касаллигининг биринчи белгилари пайдо бўлганида (5 кун давомида)

1 ойлик чақалоқлардан 1 ёшгача бўлган болаларга – 1 томчидан ҳар бир бурун йўлига суткада 5 марта (бир марталик дозаси – 8000 ХБ, суткалик дозаси – 40000 ХБ) томизилади;

1 ёшдан 3 ёшгача бўлган болаларга – 2 томчидан ҳар бир бурун йўлига суткада 3-4 марта (бир марталик дозаси – 16000 ХБ, суткалик дозаси – 48000-64000 ХБ) томизилади;

3 ёшдан 14 ёшгача бўлган болаларга – 2 томчидан ҳар бир бурун йўлига суткада 4-5 марта (бир марталик дозаси – 16000 ХБ, суткалик дозаси – 64000-80000 ХБ) томизилади;

14 ёшдан 18 ёшгача бўлган болаларга – 2 томчидан ҳар бир бурун йўлига суткада 5-6 марта (бир марталик дозаси – 16000 ХБ, суткалик дозаси – 80000-96000 ХБ) томизилади;

Катталарга – ҳар бир бурун йўлига 3 томчидан суткада 5–6 марта (бир марталик дозаси – 24000 ХБ, суткалик дозаси – 120000–144000 ХБ) томизилади.

Респиратор вирусли инфекцияларни олдини олиш учун

Беморлар билан контактда бўлганда ва совуққотганда – ёшга мувофиқ дозада кунига 2 марта 5-7 кун давомида қўлланади. Зарурат бўлганида профилактик даволаш курсларини такрорланади. Бир марта контактда бўлганда бир марта томизиш етарлидир.

Мавсумий касалликлар билан касалланиш сони ошганида – ёшга мувофиқ дозада эрталаб бир марта 1-2 кунлик интервал билан томизилади.

Томчилагич билан бекитилган флакондаги назал томчиларни ишлатиш схемаси: 

1. Флакондан ҳимоя қалпоқчасини ечиш керак.
2. Флакон учлигини пастга қаратинг ва биринчи томчини қўллашдан олдин насос-дозаторни бир қанча босиб синаб кўриш керак.
3. Флакон учлигини ҳар бир бурун йўлига навбатма-навбат жойлаштириш ва дозалашга мувофиқ равишда керакли миқдорда насос-дозаторга босиш керак.
4. Қўллангандан сўнг флаконнинг қалпоқчаси ёпилади.

Ножўя таъсирлари 

Якка ҳолларда – терида тошма пайдо бўлади.

Ноҳуш реакциялар пайдо бўлган ҳолларда шифокор билан маслаҳатлашиш керак.

Қўллаш мумкин бўлмаган ҳолатлар 

• Альфа-2b интерферони ва препарат таркибидаги компонентларга юқори сезувчанлик, анамнезда оғир аллергик касалликлар мавжуд бўлса, препаратни қўллаш мумкин эмас.
• Ҳомиладорлик ва эмизиш даврида қўллаш мумкин эмас.

Дориларнинг ўзаро таъсири

Интраназал қон-томирларни торайтирувчи препаратларни бир вақтда қўллаш тавсия этилмайди, чунки улар бурун шиллиқ қаватини қуришига олиб келади.

Махсус кўрсатмалар

Препаратни ҳар бир бурун йўлига юборилади.

Препаратни қўллашдан олдин орқа билан ётган ёки ўтирган ҳолатда, бошни бироз орқага эгиш ва томчи томизиладиган бурун йўли томонга бошни бурган ҳолатда қабул қилиш керак ва буруннинг ички деворига флакон томчилатгичини буруннинг ички деворларига тегизмасдан томизиш керак. Препарат томизилганидан сўнг препарат бурун бўшлиғида бир хил тақсимланиши учун буруннинг қанотларини бир неча минут давомида бармоқлар билан массаж қилиш тавсия этилади.

Болаларга томчини қўллаш катталар кузатуви остида ўтказилади.

Ёрдамчи моддалар

Препарат метилпарагидроксибензоатни сақлайди, у аллергик реакцияларни, жумладан кечиктирилган, алоҳида ҳолатларда бронхоспазмни чақириши мумкин.

Препаратни ўрамнинг бутунлиги ва маркировкаси бузилган ҳолатларда, суюқликнинг физикавий хусусиятлари (суюқликнинг ранги ёки тиниқлиги) ўзгарганида ва яроқлилик муддати тугаганидан сўнг қўллаш мумкин эмас.

Инфекцияни тарқалмаслигидан сақланиш учун индивидуал ишлатиш тавсия этилади.

Препаратни кўзнинг шиллиқ қаватига тушишидан сақланинг. 

Болалар ёшида қўллашга чекловлар

НАЗОФЕРОН® 1 ойдан катта болаларда қўлланади.

Ҳомиладорлик ва лактация даврида қўлланиши 

Препаратни қўллаш мумкин эмас.

Автомобилни ва мураккаб механизмларни бошқариш қобилиятига таъсири

Таъсир қилмайди.

Дозани ошириб юборилиши 

Ўрганилмаган.

Чиқарилиш шакли

5 мл дан ёруғликдан ҳимояланган флаконларда.

1 флакондан тиббиётда қўлланилишига доир йўриқномаси билан бирга картон пачкага жойлаштирилади.

Сақлаш шароити 

2 ºС дан 8 ºС гача бўлган ҳароратда сақлансин.

Болалар ололмайдиган жойда сақлансин.

Яроқлилик муддати 

2 йил.

Флакон очгандан сўнг сақлаш шароити 2 ºС дан 8 ºС гача бўлган ҳароратда яроқлилик муддати (совутгичда) – 10 сутка.

Ўрамида кўрсатилган яроқлилик муддати тугаганидан кейин препаратни ишлатманг

Дорихоналардан бериш тартиби 

Рецептсиз.

Ишлаб чиқарувчи:

«Фармак» АЖ Украина, 04080, Киев ш., Кирилловская кўчаси, 63.

Ишлаб чиқарувчининг жойлашган жойи ва фаолият кўрсатаётган жойнинг манзили 

Украина, 04080, Киев ш., Кирилловская кўчаси, 74.

Ўзбекистон Республикаси ҳудудида дори воситаларнинг сифати бўйича эътирозлар (таклифларни) ни қабул қилувчи ташкилот номи ва манзили 

«Фармак» АЖ нинг Ўзбекистондаги ваколатхонаси.

100170 Ўзбекистон Республикаси, Тошкент ш., Мирзо-Улуғбек тумани, Зиёлилар кўч.12а, 1/2

e-mail:  info@farmak.ua

Тел.: +998 (55) 512-77-13