ТИББИЁТДА ҚЎЛЛАНИЛИШИГА ДОИР ЙЎРИҚНОМ
Препаратнинг савдо номи:
Эквазолин® Аква
Таъсир этувчи модда (ХПН):
Ксилометазолин
Дори шакли:
Назал спрей.
Таркиби:
1 г спрей қуйидагиларни сақлайди:
фаол модда: 100% моддага қайта ҳисоблаганда ксилометазолин гидрохлориди 1 мг;
ёрдамчи моддалар: бензалконий хлориди, эвкалипт мойи, динатрий эдетати, пропиленгликоль, полиэтиленгликоль 1500, повидон, гипромелоза, полисорбат 20, натрий гидрофосфат додекагидрати, калий дигидрофосфати, тозаланган сув.
Таърифи:
препарат бурун пуркагичли насос-дозатор орқали флакондан чиқишида ўзига хос ҳидга эга бўлган ва ҳавода д исперсияланган суюқлик заррачалардан иборат бўлган аэрозол оқими кўринишида пуркалади.
Фармакотерапевтик гуруҳи:
Нафас олиш тизими. Назал препаратлар. Махаллий куллаш учун деконгестанлар ва бошка назал препаратлар. Симпатомиметиклар. Ксилометазолин.
АТК коди: R01AА07
Фармакологик хусусиятлари
Фармакодинамикаси
Ксилометазолин α-адренергик рецепторларга таъсир кўрсатувчи симпатомиметик агент ҳисобланади.
Ксилометазолинни назал қўллаганда бурун шиллиқ қавати ва бурун-халқумнинг ёндош соҳасининг қон-томирларни торайтиришини олиб келади, шу тарзда бурун ва бурун-халқум шиллиқ қаватнинг шиш ва гиперемияни бартараф этади, шунингдек у билан боғлиқ кўп шиллиқ ажралишини камайтиради ва бурундан блокланган ажралмаларни чиқишини енгиллаштиради, бу бурун йўлларини тозалашга ва бурун орқали нафас олишни енгиллашишига олиб келади.
Препаратнинг таъсири қўллангандан кейин 2 минут давомида бошланади ва 12 соатгача (масалан, кечаси давомида) сақланади.
Препарат бурун шиллиқ қават сезгир бўлган беморларда яхши ўзлаштирилади ва мукоциллиар функцияни пасайтирмайди. Ўтказилган тадқиқотлар шуни кўрсатдики, ксилометазолин оддий шамоллаш билан ассоциацияланган одам риновирусининг инфекцион фаоллигини камайтиради.
Фармакокинетикаси
Маҳаллий қўлланганда ксилометазолин деярли сўрилмайди, қон плазмасида ксилометазолин концентрацияси шунчалик камки, бу деярли аниқланмайди (қон плазмасида концентрацияси аниқлаш лимитига яқин).
Ксилометазолин мутаген хусусиятга эга эмас. Шунингдек ҳайвонларда ўтказилган тадқиқотларда ксилометазолинни тератоген таъсири аниқланмаган.
Қўлланилиши
Шамоллаганда бурун битиши, пичан иситмаси, аллергик ринитлар, синуситларни симптоматик даволашда.
Бурун бўшлиғи ёндош касалликларида секрет оқишини енгиллаштириш учун.
Ўрта отитда қўшимча даволашда (бурун бўшлиғи шиллиқ қаватининг шишини бартараф этиш учун).
Риноскопия ўтказишда енгиллаштириш учун қўлланилади.
Қўллаш усули ва дозалари
Эвказолин® Аква, назал спрейи катталар ва 12 ёшдан ошган болаларга қўлланади.
Катталар ва 12 ёшдан ошган болалар:
заруриятга қараб ҳар бир бурун йўлига 1 пуркашдан суткада 3 мартагача буюрилади. Ҳар бир бурун йўлига суткада 3 мартадан кўп қўлланмайди. Даволашнинг давомийлиги касалликнинг кечишига боғлиқ ва кетма-кет 10 кундан ошмаслиги керак.
Дозаланган спрей дозалаш аниқлигини ва эритмани бурун шиллиқ қавати юзаси бўйлаб тегишли равишда тақсимланишини таъминлайди.
Ишлатишдан олдин дозаловчи қурилмани, спрей ҳавога чиқишни бошламасидан, бир нечта пуркаш ҳаракатларини амалга ошириш йўли орқали тайёр ҳолатга келтириш зарур. Дозаловчи қурилма кейинги қўллашга, зарур ҳолатларда қўллаш учун тайёр туради.
Спрейни қуйидаги тарзда қўлланади:
- препаратни қўллашдан олдин бурунни яхшилаб тозаланг;
- флакон тубини бош бармоқ билан ушлаб ва учликни икки бармоқ орасига жойлаштириб вертикал ҳолатда ушланг.
- флаконни енгил эгинг ва учликни бурун йўлига қўйинг.
- пуркашни амалга оширинг ва бир вақтнинг ўзида бурун орқали енгил нафас олинг.
- қўллагандан кейин, учликни қопқоқча билан беркитишдан олдин, учликни тозалаш ва қурутиш керак.
- препарати бўлган флаконга инфекция тушишини олдини олиш мақсадида, фақат бир киши ишлатиши мумкин.
Охирги қўллашни бевосита уйқудан олдин амалга ошириш тавсия этилади.
Болалар
12 ёшдан кичик болаларга препарат қўлланилмасин.
Ножўя таъсирлари
Ножўя таъсирларнинг юзага келишини баҳолаш учун қуйидаги частоталар қўлланилади: жуда тез-тез (≥ 1/10), тез-тез (≥ 1/100 дан <1/10 гача), тез-тез эмас (≥ 1/1000 дан <1/100 гача), кам холларда (≥ 1/10000 дан <1/1000 гача), камдан кам холларда (<1/10000), частотаси номаълум (мавжуд маълумотлар асосида частотани аниқлаш мумкин эмас)
Иммун тизими томонидан:
камдан кам ҳолларда: юқори сезувчанлик реакциялари, жумладан ангионевротик шиш, тошма, қичишиш.
Нерв тизими томонидан:
тез-тез: бош оғриғи.
Кўриш аъзолари томонидан:
камдан кам ҳолларда: кўришни вақтинчалик бузилиши.
Юрак қон-томир тизими томонидан:
камдан кам ҳолларда: мунтазам бўлмаган ёки юрак уришининг тезлашиши.
Нафас олиш, кўкрак қафаси ва кўкс оралиғи аъзолари томонидан:
тез-тез: бурун шиллиқ қавати томонидан дискомфорт ва қуруқлик.
тез-тез эмас: бурундан қон кетиши
Меъда-ичак йўллари томонидан:
тез-тез кўнгил айниши.
Юбориш жойидаги умумий бузилишлар ва реакциялар:
тез-тез: юборилган жойда ачишиш ҳисси.
Қўллаш мумкин бўлмаган ҳолатлар
Ксилометазолинга ёки препаратнинг бошқа ҳар қандай компонентларига юқори сезувчанлик, ўткир коронар касалликлари, коронар астма, гипертиреоз, ёпиқ бурчакли глаукома, трансфеноидал гипофизэктомия ва анамнезида очиқ мия қавати бўлган жарроҳлик аралашувлари, қуруқ ринит ёки атрофик ринитда қўллаш мумкин эмас. МАО ингибиторлари билан ёндош даволашда ва уларни қўллашни тўхтатгандан кейин 2 ҳафта давомида қўллаш мумкин эмас.
Дориларнинг ўзаро таъсири
Моноаминоксидаза ингибиторлари (МАО ингибиторлари): ксилометазолин моноаминооксидаза ингибиторларининг таъсирини потенциялаши ва гипертензив кризни индукция қилиши мумкин. Ксилометазолинни МАО ингибиторларини қабул қилган ёки қабул қилаётган пациентларга охирги икки ҳафта давомида қўллаш мумкин эмас.
Три- ва тетрациклик антидепрессантлар: три- ва тетрациклик антидепрессантлар ва симпатомиметик препаратларни биргаликда қўллаганда, ксилометазолинни симпатомиметик самарасини кучайтириши мумкин, шунинг учун бундай препаратларни биргаликда қўллаш тавсия этилмайди.
β-блокаторлар билан бирга қўллаганда бронхиал спазмни чақириши ва артериал босимни пасайтириши мумкин.
Махсус кўрсатмалар
Препаратни кетма-кет 10 кундан ортиқ қўллаш мумкин эмас. Жуда ҳам узоқ муддат ёки ҳаддан ташқари кўп қўллаш қайта бурун битиши ва/ёки бурун шиллиқ қаватининг атрофиясига олиб келиши мумкин.
Препаратни бошқа симпатомиметиклар каби уйқусизлик, бош айланиши, қалтираш, юрак аритмияси ёки артериал босимни ошиши кўринишидаги адренергик воситаларга кучли реакциялари бўлган пациентларга эҳтиёткорлик билан буюриш керак.
Препаратни тавсия этилган дозасидан, айниқса болалар ва кекса ёшдаги шахсларни даволашда ошириш мумкин эмас.
Препаратни юрак-томир касаллиги бўлган пациентларга, артериал гипертензия, қандли диабети бўлган беморларда, феохромоцитома, простата бези гипертрофияси бўлган пациентларга эҳтиёткорлик бидан буюриш керак, шунингдек МАО ингибиторларини қабул қилаётган пациентларга ва уларни қўллаш тўхтатгандан кейин 2 ҳафта давомида қўллаш мумкин эмас.
Препарат бурун шиллиқ қаватида қўзғалишларни чақириши мумкин бўлган бензалконий хлорид сақлайди.
Ҳомиладорлик ва лактация даврида қўлланиши
Препаратни ҳомиладорлик даврида потенциал томирларни торайтирувчи таъсири туфайли қўллаш мумкин эмас.
Чақалоқларга ҳар қандай нохуш таъсирларининг исботи йўқ. Ксилометазолин кўкрак сутига экскрецияси номаълум, шунинг учун эҳтиёткорлик зарур, препаратни эмизиш даврида фақат шифокор тавсияси бўйича қўллаш керак.
Фертиллик
Препаратни фертилликка таъсири ҳақида тегишли маълумотлар йўқ. Ксилометазолин гидрохлоридни тизимли экспозиция жуда пастлиги сабабли, фертилликка таъсири эҳтимоллиги жуда ҳам паст.
Автомобилни ва мураккаб механизмларни бошқариш қобилиятига таъсири
Одатда препарат транспорт воситаларини бошқариш ёки бошқа механизмлар билан ишлаш қобилиятига таъсир кўрсатмайди ёки аҳамиятсиз таъсир кўрсатади.
Дозани ошириб юборилиши
Ксилометазолин гидрохлоридни ҳаддан кўп маҳаллий қўллаганда ёки уни тасодифан ичга тушиши кучли бош айланиши, кўп терлаш, тана ҳароратини аҳамиятли тушишга, бош оғриғи, брадикардия, артериал гипертензия, нафас олишни қийинлашиши, кома ва тиришишларни юзага келишига олиб келиши мумкин. Юқори артериал босим босимни камайишига ўзгариши мумкин. Кичик ёшдаги болалар катталарга қараганда токсикликка кўпроқ сезгирдир.
Дозани ошириб юборилганига шубҳа бўлган барча пациентларга мувофиқ бир маромда ушлаб турувчи тадбирларни, шунингдек зарур ҳолларда тиббий назорат остида шошилинч симптоматик даволаш буюриш керак. Тиббий ёрдам бир неча соат давомида пациентни кузатишни ўз ичига олиши зарур. Юрак тўхташи билан кечадиган дозани ошириб юборилишнинг оғир ҳолатларида, реанимацион чоралар камида 1 соат давом эттирилиши керак.
Чиқарилиш шакли
10 г дан флаконларда. 1 флакон тиббиётда қўлланилишига доир йўриқномаси билан бирга қутида.
Сақлаш шароити
Ёруғликдан ҳимояланган жойда, 250С дан юқори бўлмаган ҳароратда сақлансин.
Болалар ололмайдиган жойда сақлансин.
Яроқлилик муддати
2 йил.
Яроқлилик муддати ўтгач қўлланилмасин.
Дорихоналардан бериш тартиби
Рецептсиз.
Ишлаб чиқарувчи
«Фармак» АЖ. Украина, 04080, Киев ш., Кирилловcкая кўчаси, 63.
Ишлаб чиқарувчининг жойи ва фаолиятини амалга ошириш жойининг манзили
Украина, 04080, Киев ш., Кирилловская кўчаси, 74.
Ўзбекистон Республикаси ҳудудида дори воситаларнинг сифати бўйича шикоятларни (таклифлар) ни қабул қилувчи ташкилот номи ва манзили:
«Фармак» АЖ нинг Ўзбекистондаги ваколатхонаси.
100170 Ўзбекистон Республикаси, Тошкент ш., Мирзо-Улуғбек тумани, Зиёлилар кўч. 12а, 1/2
e-mail: info@farmak.ua
Тел: +99855 512 7713
