Инструкция по применению
Препаратнинг савдо номи:
Лира
Таъсир этувчи модда(ХПН):
Цитиколин
Дори шакли:
Плёнка қобиқ билан қопланган таблеткалар
Таркиби:
1 таблетка қуйидагиларни сақлайди:
фаол модда: 100% қуруқ моддага қайта ҳисоблаганда, 522,5 мг натрий цитиколин
(500,0 мг цитиколинга эквивалент);
ёрдамчи моддалар: микрокристалл целлюлоза, сувсиз коллоидли кремний диоксиди, натрий кроскармеллоза, гидрогенланган канакунжут мойи, тальк, магний стеарати;
плёнка қобиқ: Opadry white II 85 F 18422 (поливинил спирти, титан диоксиди Е 171, макрогол 4000, тальк); Opadry white 03 F 180011 (гидроксипропилметилцеллюлоза, титан диоксиди Е 171, макрогол 8000).
Таърифи:
оқ ёки деярли оқ рангли, чўзинчоқ шаклли икки томонлама қавариқ, рискали қобиқ билан қопланган таблеткалар
Фармакотерапевтик гурух:
Нерв тизими. Психоаналептиклар. Психостимуляторлар, юкорифаолликка эга эътибор етишмовчилик синдромида кулланиладиган воситалар, ма ноотроп препаратлар. Бошқа психостимулловчи ва ноотроп воситалар.
АТХ коди: N06ВХ06
Фармакологик хусусиятлари
Фармакодинамикаси
Цитиколин нейронларнинг мембранасида структур фосфолипидлар биосинтезини рағбатлантиради, бу магниторезонанс спектроскопия маълумотлар билан исботланган. Цитиколин уларни бошқарувисиз нерв импульсларини нормал ўтказилиши имкони бўлмаган, ион насослари ва рецепторлари каби мембрана механизмларини функциясини яхшиланишига ёрдам беради. Мембранага барқарорлаштирувчи таъсири туфайли, цитиколин шишга қарши хусусиятларга эга, шунинг учун бош мия шишини камайтиради. Клиник тадқиқотлар шуни кўрсатганки, цитиколин айрим фосфолипазалар (А1, А2, С ва D) фаоллашиши ингибиция қилиб, эркин радикаллар пайдо бўлишини камайтиради, мембранали тизимлар бузилишининг олдини олади ва глутион каби антиоксидант ҳимоя тизимларини сақлаб қолади.
Цитиколин энергиянинг нейронли захирасини сақлаб қолади, апоптозни ингибиция қилади, бу эса холинергик ўтказувчанликни яхшилайди.
Тадқиқотларда цитиколин бош миянинг фокал ишемиясида профилактик нейропротектор таъсир кўрсатишлиги ҳам исботланган.
Клиник тадқиқотлар шуни кўрсатганки, цитиколин бош мияда қон айланишини ўткир бузилишлари бўлаган пациентларда функционал соғайиш кўрсаткичларини ишонарли оширадди, бу эса нейровизуализация маълумотларига асосан бош мияда ишемик шикастланиш жараёнини кучайиши секинлашиши билан мос келади. Бош мия жарохатлари бўлган пациентларда цитиколин тикланишни тезлаштиради ҳамда жарохатдан кейинги синдром давомийлиги ва жадаллигини камайтиради.
Цитиколин диққат ва онгни яхшилаб, амнезия аломатлари когнитив ва бош мия ишемияси билан боғлиқ бошқа неврологик бузилишлранинг камайишига ёрдам беради.
Фармакокинетикаси
Цитиколин перорал, мушак орасига ва вена ичига юборилгандан сўнг яхши сўрилади. Қон плазмасидаги холин миқдори юқорида кўрсатилган йўллар орқали юборилгандан сўнг аҳамиятли даражада ортади. Перорал юборилгандан сўнг сўрилиши деярли тўлиқ юз беради, биокираолишлиги эса деярли вена ичига юборилгандай каби.
Юбориш йўлидан келиб чиққан ҳолда, препарат ичак, жигарда холин ва цитидингача метоболизмга учрайди. Қўлланилгандан сўнг цитиколин бош мия структураларда холин фракциясини структурали фосфолипидларга ҳамда цитидин фракциясини цитидин нуклеотидларга ва нуклеин кислоталарга тез қўшилиши билан кенг тақсимланади. Бош мияга етиб бориши билан цитиколин фосфолипидлар фракциясининг қурилишида иштирок этган ҳолда, хужайравий, цитоплазматик ва митохондриал мембраналарга ўрнашади.
Дозанинг фақат кичик қисми сийдик ва ахлат (3%дан кам) билан чиқарилади. Дозанинг тахминан 12% ютилаётган СО2 билан чиқарилади. Препаратнинг сийдик билан чиқарилиши иккита фазада амалга ошади: биринчи фаза – тахминан 36 соат бўлиб, унда чиқарилиш тезлиги тезда пасаяди ва иккинчи фазада эса чиқарилиш тезлиги анча пасаяди. Бундай фаза СО2 билан чиқарилишида ҳам кузатилади: СО2 билан чиқарилиши тезлиги таҳминан 15 соатдан сўнг тез пасаяди, сўнгра янада секинроқ пасайишини бошлайди.
Қўлланилиши
– Инсульт, мияда қон айлиниш бузилишининг ўткир фазаси ва мия қон айланиши бузилишининг асоратлари ва оқибатларини даволаш;
– Бош мия жарохатланиши ва унинг неврологик оқибатлари.
– Когнитив бузилишлар ва сурункали қон томир ва дегенератив церебрал бузилишлар оқибатида хулқ бузилишларида қўлланади.
Қўллаш усули ва дозалари
Катталар учун тавсия қилинган доза суткада 500 мг дан 2000 мг гачани (1-4 таблетка) ташкил қилади.
Препарат миқдори ва даволаш муддати миянинг зарарланиш даражасига боғлиқ ва шифокор томонидан белгиланади.
Кекса ёшдаги пациентлар учун дозага тузатиш киритиш тавсия этилмайди.
Болалар
Препаратни болаларда қўллаш тажрибаси чекланган.
Ножўя таъсирлар
Жуда камдан-кам (<1/10 000) (беморнинг хабар бериши бўйича).
Марказий ва периферик асаб тизими томонидан: кучли бош оғриғи, вертиго, галлюцинациялар.
Юрак-қон томир тизими томонидан: артериал гипертензия, артериал гипотензия, тахикардия.
Нафас олиш тизими томонидан: нафас қисилиши.
Овқат ҳазм қилиш тизими томонидан: кўнгил айниши, қусиш, диарея.
Иммунитет тизими томонидан: аллергик таъсирлар, шу жумладан: тошма, гиперемия, экзантема, уялар, пурпура, қичишиш, ангионевротик шиши, анафилактик шок.
Умумий таъсирлар: эт увишиши.
Қўллаш мумкин бўлмаган ҳолатлар
- Препаратнинг бирон бир компонентига юқори сезувчанлик.
- Парасимпатик нерв тизими тонусининг ортишида қўллаш мумкин эмас.
- 18 ёшгача бўлган болалар ва усмирларда препаратни қўллаш тажрибаси чекланган.
Дориларнинг ўзаро таъсири
Препаратни меклофеноксат сақловчи препаратлар билан бир вақтда қўллаш мумкин эмас. Леводопа самарасини кучайтиради.
Махсус кўрсатмалар
Дори воситаси гидрогенланган канакунжут мойини сақлайди, шунинг учун меъда бузилиш ва диарея эҳтимоли бор.
Ушбу дори воситаси 1,024 ммоль/доза натрий сақлайди. Натрий миқдори назоратга олинган парҳезга амал қилувчи пациентларга қўллашда эҳтиёткорликка риоя қилиш керак.
Ҳомиладорлик ва лактация даврида қўлланиши
Лира препаратини ҳомиладорлар аёлларга қўллаш бўйича етарли маълумотлар йўқ. Цитиколинни кўкрак сутига чиқарилиши ва унинг ҳомилага таъсири бўйича маълумотлар мавжуд эмас. Ҳомиладорлик ёки эмизиш даврида препарат фақат она учун кутилаётган фойда ҳомила учун потенциал хавфдан устун бўлганда буюрилади.
Автомобилни ва мураккаб механизмларни бошқариш қобилиятига таъсири
Алоҳида ҳолатларда марказий нерв тизими томонидан чақирилган айрим ножўя раекциялар автотранспортнит бошқариш ва мураккаб механизмлар билан ишлаш қобилиятига таъсир қилиши мумкин.
Дозани ошириб юборилиши
Дозани ошириб юборилиш ҳолатлари келтирилмаган.
Чиқарилиш шакли
10 таблеткадан блистерда. 3 та блистердан тиббиётда қўлланилишига доир йўриқномаси билан бирга қутида.
Сақлаш шароити
Оригинал ўрамда 25°С дан юқори бўлмаган хароратда сақлансин.
Болалар ололмайдиган жойда сақлансин.
Яроқлилик муддати
3 йил.
Препарат ўрамида кўрсатилган яроқлилик муддати ўтгач қўлланилмасин.
Дорихоналардан бериш тартиби
Рецепт бўйича.
Ишлаб чиқарувчи
«Фармак» АЖ. Украина, 04080, Киев ш., Кирилловская кўчаси, 63.
Ишлаб чиқарувчининг жойи ва фаолиятини амалга ошириш жойининг манзили.
Украина, 04080, Киев ш., Кирилловская кўчаси, 74.
Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили:
“Фармак” АЖ нинг Ўзбекистондаги ваколатхонаси
100170, Ўзбекистон Республикаси, Тошкент ш., Мирзо-Улуғбек тумани, Зиёлилар кўч., 12а, 1/2
e-mail: info@farmak.ua
Тел.: +99871 235-77-13
